منوعات
٢٩ أكتوبر ٢٠١٩ ( 3810 المشاهدات )

ياجماعه الحقوني انا بخون جوزي معاه، عارفين ازاي ؟؟

من رغى كتير ادخل فى الموضوع على طول  انا جوزى مسافر وانا قاعده انا والعيال عند بابا المهم هو كن بيكلم بنات على النت وانا متاكده من كده المهم حلفلى انه معدش بيعمل كده وحلفان جامد وقال ايه انا مليت عليه حياته او سديت نفسه كله واحد المهم لما يجى يغيظنى


يقولى انا النهارده اتعرفت على مزة صاروخ ويعيش القصه ويحكيلى وانا بصدق ولما اتنرفز يقولى يا هبله انا بهزر المهم قررت انى اكشفه  وعملت ايميل باسم تانى خالص ودخلت كلمته على ان انا واحده ضايعه هههههه هو كلمنى المشكله انه استجاب معايا خالص ومسخسخ على نفسه كبد امه هقولكم حاجه اول ما البت المزيفه دى اللى هو انا يعنى تفتح الايميل يقولها وحشتينى يا حبيبتى والكلام الرومانسى اللى يعجبكم

اما انا بقى النسخه الاصلى لو اتاخرت ثانيه كنت فين يا بنت ال سيبانى ومشغوله مع مين مع ان انا عندى توام والمفروض كل وقتى ليهم ما علينا المهم لما اجى اقوله كلمنى كلام رومانسى يقولى احنا كبرنا على الحاجات دى خلينا فى المهم اللى هو الحاجه التانيه السيكو بيكو هو ده تقريبا اللى بقى بيربطنى بيه

انا كنت فاكراه فعلا مش رومانسى وما بعرفش يعبر بس بالعكس طلع حبيب قديم انا زعلانه اوى ليه الراجل ما بيعوضش مراته بكل اللى هى محتاجاه انا مش محتاجه غير كلمه حنينه والله على العكس بقى مع البنات التانيه بتلاقيه سايح ونايح ليه كده مع ان انا مراته وفى نفس الوقت بقيت عشيقته

وبيحكيلى على اسراره وايه اللى معقده فى حياته طيب ما تحكيلى كزوجه مش تحكى لعشيقتك انتوا فهمنى ولا لا يا جماعه انا مش عارفه اعمل ايه صعبان عليا نفسى اوى ومش عارفه استمر فى الموضوع ده ولا اعمل ايه عايزه اعلمه الادب قولولى اعمل ايه حاجه بسيطه كده بيتحايل على حبيبته الوهميه دى انه يكلمها مايك ويشوفها

وانا جوزى عمرة ما اتحايل على حد لو عايزنى اعمل حاجه باعملها غصب عنى ليه الرجاله وحشه اوى كده

قد يعجبك ايضاً