فن
٢٠ يناير ٢٠٢٠ ( 9230 المشاهدات )

انا عروسه من شهرين وحماتي قالتلي كلمة سخنتني وهزتلها راسي وقتلها حاضر

انا عروسه من شهرين والحمد لله علاقتى مع جوزى حلوة اوى
واحنا الاتنين بنحب بعض اووووى
اول انبارح كنا عند حماتى معزومين ع الغدا وكنا بنتكلم عادى انا وهيه ف الحياة عموما ومع الكلام قالتلى انتى عامله ايه مع احمد قلتلها كويسه الحمد لله
استغربت اوى من السؤال ده مع العلم هو وحيدها وعلى بنتين .. قالتلى يلا بقى الواد بيشتكيلى وعايز يخلف
انا اتاخت كده وفعلامعرفتش ارد عليها انا سخنت وهزتلها راسى
المهم انا حسيت ان جوزى قالها كلام عنى انى مش مريحاه
والله عايزة اقولكو انى كل حاجه هو عايزها انا بعملهالو مع انى كنت بعمل حاجات معاه وكنت مكسوفه اووووى
بس رده كنت بعملها من غير ماقوله انا مكسوفه علشان انا سمعت كتير قبل الجواز ان الراجل من بيحب مراته تتكسف منه وخصوصا ف العلاقة الحميمه
المهم بعد كده انا وجوزى بعد ما قضينا اليوم عند حماتى رجعنا البيت وهو ف الطريق بيسألنى مالك مش طبيعيه ليه وانا كنت قالبة خلقتى حسيت انى اتهانت من حماتى اهانه كبيرة اوى اوى
قلتله لما نرجع البيت .. قاللى مالك يابنتى فيكى ايه حصل حاجه عند ماما .. رحت زعقت قولتلو لينا بيت نتكلم فيه
المهم انا ماصدقت انى وصلت الشقه روحت جاريه ع الاوضه وهو ورايا وبيزعقلى بيقولى فيه مالك انا مش فاهم حاجه
قلتله انت قلت ايه لمامتك عليه؟؟ قالى نعم .. قلتله جاوبنى انا عايزة اعرف انت قلتلها ايه عنى
قالى مش فاهم عن اى موضوع يعنى
قلتله مامتك قالتلى انك بتشتكى منى وعايز تخلف انت زهقان معايا ؟ انا مش بديك حقوقك
انت ازاى تعمل معايا كده انا كل اللى انت بتقولى عليه بعمله اى حاجه من يوم ماتجوزنا
قالى انا ماقلتش كده لماما ازاى تقولى كده وليه بتقولى كده قلتله اومال مامتك جابت الكلام ده من فين
قالى انا قلتلها انا عايز اخلف اه لاكن ماقلتلهاش حاه وحشه عنك
قلتله زى مانت عايز تخلف انا كمان عايزة اكتر منك
........................
المهم بعد كده رحت ماسكه هدوم البيت ورايحه اوضة الاطفال رحت معيطه .. حسيت انى اتهانت اوى اوى حسيت انه مش مقدر اللى بعملة علشانه
قعدت شويه ومش غيرت هدومى راح دخل عليا وانا بعيط وقالى انا اسف كان المفروض اقولك انتى الكلام ده بس انا خفت الا تزعلى منى
قلتله وانت كده مازعلتنيش انا اول يوم جواز كنت بتطلب منى حاجات اعملها مع انى لسه مش كنا اتعودنا على بعض
وكنت عملها علشانك
ليه تخلى وشى ف الارض قدمها وهيه اكيد قالت لاخواتك وشوف مين كمان
انت هنتنى الحق من عليها الحق عليك انت
راح مدمع وقالى انا اسف والله اسف
بصو انا كنت ف اليله دى كنت محضرالو حاجة حلوة كأزواج يعنى مع العلم انى كنت لسه خارجه من البيريود ويوم الجمعه اللى حصل فيها المشكله دى اول يوم اكون مستعده فيه
قلتلو انا كنت***** قاللى هيه خلاص خلصت من عندك قلتله ايوة
راح سكت وانا كمان سكت راح حاطت وشه ف الارض قالى طيب ايه انتى هتنامى هنا قلتله ايوة قالى لا حرام عليكى انا قلتله مش هقدر مش هقدر دلوقتى
اتنرفز اوى وقالى انتى بتعاقبينى يعنى قلتله متحسسنيش انى اداء وقت اللزوم بس قالى انا بحبك والله بحبك
تحبى اتصلك بيها واقول كلام مالوش لازم قلتله انت عارف انى مش هقبل بكده
راح قايلى انتى مش هتنامى هنا انتى هتنامى على سريرك وجمبى ومتخافيش مش هلمسك بس متناميش بعيد عنى
المهم رحت وكانت ليله مهببه معرفتش انام خالص

تانى يوم اللى هوا امبارح كان مخنوق اوى ومكلمنيش خالص جه من الشغل حضرتلو الاكل واكل لقمتين وقام قلتله كمل اكلك ماردش عليا
ونام
وانهارده نفس الكلام وهو دلوقتى مش ف البيت ولسه مش جه انا خايفه عليه اووووى لما بشوفه بكون عايزة اترمى ف حضنه بس انا اتهانت اوى لما اشتكى لمامته وانا انهارده طول اليوم بعيط ولما جه انا عارفه انه حس انى بعيط
اعمل ايه انا مش عارفه جد اعمل ايه
اسفه لانى طولت عليكو بس ياريت تقولولى اعمل ايه

قد يعجبك ايضاً