جوزى نسونجى ورمرمه كل يوم مع واحده وبيكلم كتير فون وفيس وبيضربنى وكل حاجه يعرفها أهله انا ما اعرفش عنه حاجه

ضربنى وسيبت البيت ورفعت طلاق ونفقه وقايمه وهو رفع بيت طاعه واخد عفشى وداه لأهله ده بعد تدخل الأهل كتير للإصلاح منه لأنه بيشرب وبعد ما اتحكم فى القضايا القائمه والنفقه ومحاولات تنفيذ ما بتنفعش عشان أبوه بيأكل بتوع التنفيذ ما استفدتش حاجه من القضايا غير خساره فلوس بعدها جه لبابا كامحاوله اخيره منه أنه يرجعنى
لأنه حاول كتير وبابا رفض اخر مره قال عايز مراتى وولادى ورجعت وهو كان بيكلم وبيقابل لانى قعدت سنه ونص عند اهلى شوفت منهم الذل اهلى اتحولوا واتغيروا عليا واتخلوا عنى وكانوا بيطردونى بدل المره مرات انا وولادى وانا ماليش مكان ولا معايا فلوس

مع انى كنت ريحالهم مضروبه عشان كان خاطف ولادى منى وعايز يوديهم لأخته بعد مارجعولى وعيالى كانوا نسيونى لما رفضت قولتله كانوا معاها لما يعرفوني زيها ابقى خدهم ضربنى
المهم ده السبب اللى رجعت لجوزى عشانه وعشان يصرف على ولاده ويتحمل مسؤليتهم عشان ماحدش يزل ولادى من اهلى رجعت ليا سنه شوفت منه كتير ضرب بسبب الستات اللى بيكلمهم وكلهم متجوزين وامهات عيال وعرفت اوصل لكتير منهم بس اواجهه بيزيد اكتر ٢٤ساعه عالفيس والواتس لوقفل يبقى بيتكلم فون وبقى يبات كتير اوى بره البيت جواز ما اتجوزش و حاجات كتير بتدل على أنه بيعمل علاقات محرمه وكتير بقى يسيبنا من غير مصاريف ويغيب بالاسبوعين ولا يرفع تليفون علينا حتى لو عيالى تعبانين مايسألش عليهم أكنهم مش ولاده
يروح يفسح اخواته وعيالهم وعياله ما يشوفوش الشارع غير للحضانه انا بشتغل بس مرتبى صغير بصرف منه على نفسى وعلى حضانات ولادى واى حاجه ولادى نفسهم فيها اوتعب حد فينا بس هو بيدفع ايجار الشقه وبيروح يقول عليا كلام وحش فى العيله مقهوره انى لوحدى!
و سابنا مره عشان لقيت على تليفونه صور ستات مصورين نفسهم وبعتينله الصور واتس ضربنى وشتمنى وبيقولى انتى مافكيش ريحه الانوثه
مع انى بشهادته هو قبل كده يقولى عمرى ماهلاقى ضافرك سابنا من غير مصاريف ولا يدور على ولاده واهلى عدمهم احسن راضين ليا بالذل ده وبابا بيقولى هو خلقته كده هنعمله ايه وروحتله الشركه اللى بيشتغل فيها عشان يدينى مصاريف اجيب اكل لولادى ضربنى فى الشارع
وانا حر بكلم وبمشى مع كتير مالكيش فيه طلاق مش عايز
قهرنى و ولادى مالهومش غيرى هو بيقولى كرهت ولادى نفسى يكونلى حد اتكلم معاه واشتكيله هموت من القهره ويرجع وقت مايحب ويمشى وقت مايحب كل حاجته بيداريها منى كان مدينى ورق مهم شيلاهوله اتفجأت أنه اخده من ورايا وراح شاله عند أمه وبينكر أنه اخده اخد كل ورق يخصه منى وشاله عند أمه تليفونه يخبيه منى فلوسه يداريها منى ويقولى مش هتمسكى جنيه منى النهارده صحيت لقيت واحده بعتاله رساله حب لقيت اسمها ام كذا يعنى متجوزه!!
وبقى بيهملنى ولايسأل فيا وعاملى بلوك كل حاجه حتى فى الاتصال يعنى مااعرفش أوصله نهائى الا لما يجيبه مزاجه ويتكلم أو يجى دقايق فقط احنا مافيش بينا حياه نهائى مايعرفش حاجه عن ولاده اخر مره كان مبيت بره كام يوم وجه الساعه ٣الفجر ضربنى بحزام بنطلونه تناه وبالتوكه بتاعته زرق جسمى كله بكل قوته ويشدنى من شعرى ويخبط دماغى فى الدولاب والحيطه قطعلى شعرى وورم راسى وانا بطلت اشتكى لحد لأنه كله شايف وساكت هنعملوله ايه يعنى

ولو طلاق أو خلع اهلى هايبهدلونى وهيزلوا ولادى لأنهم استحاله يوافقوا اعيش لوحدى وهايعملوا اسود من اللى عملوه فى سنه ونص وكمان ماعنديش مكان اعيش فيه لوحدى اصلا
وانا اغلب الوقت مش بدور ربنا اللى بيكشفلى اللى بيعمله
وانا اتأكدت أنه بيعمل علاقات محرمه منعت نفسى منه خوفا من المرض وكنت خايفه لكون بغضب ربنا روحت سألت دار الفتوى قالى اديله حقه الشرعى لأنه هو مش بيجى الا عشان كده قالى لازم ياخد حقه الشرعى لانك كل ماتمنعى نفسك كل مايزيد فى الحرام
اللى قاهرنى أنه بيقارن مراته ام ولاده اللى صيناه باللى بيكلمهم ويقولى هما احسن منك انتى فاكره نفسك ست واقسم بالله انا مهتميه بنفسى جدا وبيتى وولادى

خلانى بقيت عصبيه وبشتم ولادى بأبوهم دائما والولد ٤سنين بيشتمنى وبيضربنى زى أبوه ما بقيتش عارفه اربى ولادى اللى بعمله بيجى هو يهدمه دى اكتر حاجه مدايقانى

قولولى اتعامل ازاى معاه
قولولى اعمل ايه انا تعبت اوى

قد يعجبك ايضاً