الصفحة الرئيسية
٢٠ يناير ٢٠٢٠ ( 6403 المشاهدات )

جوزي وزميلته في الشغل وكل يوم خميس لازم يعملوا كدا ف العربية وجوزها مبسوط اوي

انا متجوزة بقالى 9 سنين وعندى ولدين وعايشة مع جوزى برة مصر جوزى بيشتغل فى شركة ومعاه ستات كتير من نفس البلد اللى احنا عايشين فيها يعنى جنسية تانية فيه واحدة منهم ساكنة قريب مننا فساعات بتطلب منه يوصلها معاه وخصوصا يوم الخميس علشان ترجع بيتها بدرى لان الباص بيوصلها متأخر هى متجوزة واكبر من جوزى تقريبا بعشر سنين وعندها أحفاد لاكن ميبانش عليها السن لانها متجوزة صغيرة ومن النوع اللى بتحب تتكلم كتير وتهزر وجوزها شافها نازلة من عربية جوزى سلم عليه وشكره وبقا الموضوع عادى جدا  وفى يوم لاقيت جوزى داخل عليا بهدايا لينا احنا الأتنين منها وقالتله دا شكر ليك على اللى بتعمله معايا بصراحة انا قلبى مرتحلهاش قولتله لازم نرد الواجب وعملتلها أكل مصرى وروحنا سوا وديناه ليها علشان اشوفها قعدت تتكلم معايا كأنها عرفانى من سنين وتشكر فى جوزى قوى وتقولى خلى بالك منه وخلى بالك هنا ميرتاحوش غير لما ياخدوا الراجل من مراته وتقوله مراتك قمر خد بالك منها وتبصلى وتقولى والله دايما بوصيه عليكم واقوله ملكش غير بيتك واولادك المهم بعدها انا قولتله الوضع ده مش عاجبنى واكيد الشركة كلها بتتكلم عليكم وخاف على اكل عيشك ومستقبل ولادك قعد يقولى عادى انا راجل وهى قابلة على نفسها كدة هى حرة قولتله يعنى لو انا فى الوضع ده هتعمل ايه قالى كان زمانى طلقتك طبعا قولتله خلاص اقصرها واتهرب منها محدش غاصبك قالى ايوة طبعا بس انا مش هتهرب ولاقيته ليه الغرض وكلامه عايم ومش عاجبنى قولتله هات تليفونك انا هتصرف قالى خدى اهو قومت بعتالها على الواتس قولتلها من فضلك متركبيش مع زوجى تانى السيارة وراعى انه راجل متزوج وكل الشركة بتتكلم عليكم والكلام وصلنى واحنا فى غربة وملناش غير سمعتنا ومش ناقصين عندك زوج او ابنك يوصلوكى ردت عليا قالتلى زوجك راجل محترم وزوجى عارف انه بيوصلنى لاكن انا اسفة ومشكورة انك بلغتينى قبل الكلام مايكتر وسامحينى انا ماقصدى اضركم ... شوفت الرسالة ومردتش عليها وعملتلها بلوك من كل حاجة عنده وهو سابنى بكلمها ودخل نام وقعد يهزر ويضحك بعد ماصحى ويغنى ويقولى بتشكى وبتغيرى والكلام ده المهم بعدها لاقيته مضايق وعمال يشخط فينا انا والعيال متكلمتش قولت اما اشوف هيعمل ايه فى الايام اللى جاية شوية الاقيه عادى وشوية الاقيه مبوز ومهموم وعصبى معانا انا والعيال 

قد يعجبك ايضاً